Saturday , October 31 2020
Breaking News
Home / पर्यटन / स्याङजाको स्वरेकमा प्याराग्लाइडिङ वल्डकप हुने

स्याङजाको स्वरेकमा प्याराग्लाइडिङ वल्डकप हुने

स्याङजा – स्याङजाको स्वरेकमा नेपालमै पहिलो पटक प्याराग्लाइडिङको वल्डकप प्रतियोगिता हुने भएको छ । नोभेम्बर १ देखि ४ तारिख नेपाली पात्रो अनुसार कार्तिक १५ देखि १८ गते सम्म स्वरेकमा हुने वल्डकपको तयारी तिव्र बनाइएको छ ।

प्रतियोगिता स्याङजा जिल्लाको ११ वटै स्थानीय तह ,नेपाल प्याराग्लाइडिङ तथा ह्याण्डग्लाईडीड्ग संघ, नेपाल हवाई खेलकुद संस्था तथा बाबु एडभेन्चर क्लबले संयुक्त रुपमा आयोजना गरिएको हो ।
यस वल्डकपले नेपालको पर्यटन प्रबद्र्धनमा ठुलो सहयोग पुग्ने बाबु एडभेन्चर क्लबका सानोबाबु सुनुवारले बताउनुभयो । यस प्रतियोगिता मार्फत् विदेशीहरुले नेपालमा नयाँ पर्यटकीय गन्तब्य स्वरेक भएको जानकारी पाउने भन्दै सुनुवारले प्रतियोगिता नेपालकै लागि गौरवपूर्ण भएको उल्लेख गर्नुभयो ।

छोटो समयको तयारीमा वल्डकप गर्न लागिए पनि वल्डकप भब्यरुपमा सम्पन्न गर्ने सुनुवारको भनाई छ । वल्डकपमा विश्वबाट आउने पाहुनाको लागि स्वागत गर्न सिङ्गो स्याङजा तयारी अबस्थामा रहेको भीरकोट नगरपालिकाका मेयर छायाराम खनालको भनाई रहेको छ ।

बयरघारी देखि स्वरेक मैदान सम्म पुग्ने कच्चीबाटो ममर्तको काममा आफूहरु लागेको खनालले जानकारी दिनुभयो । स्वरेक भञ्ज्याङदेखि मैदान जानेबाटो छोटो र सजिलो भएकोले भञ्ज्याङ महापुर सडक छिटो सुधार गर्नुपर्ने स्थानीयको भनाई रहेको छ।

नेपालमा पहिलो पटक प्याराग्लाइडिङको एकुरेसीे वल्डकपमा भीरकोट ५ स्वरेक मैदानबाट उडान गरेर वालिङ ११ स्वरेक डौवामा ल्याण्डडिङ हुने छ । गत बर्ष स्वरेकमै अन्तरराष्ट्रिय प्याराग्लाईडिङ राष्ट्रिय टीम छनोट प्रतीयोगीता सम्पन्न भएको थियो ।

स्रोतः घनश्याम पाण्डेय शुभन्युज

Check Also

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ ।। जीवन श्रेष्ठ …

Leave a Reply

Your email address will not be published. Required fields are marked *