Sunday , October 25 2020
Breaking News
Home / पर्यटन / पर्यटनलाई लयमा फर्काउन पाँच वर्ष लाग्छ: व्यवसायी

पर्यटनलाई लयमा फर्काउन पाँच वर्ष लाग्छ: व्यवसायी

पर्यटनलाई लयमा फर्काउन पाँच वर्ष लाग्छ: व्यवसायी
– नेपालयटाईम्स

पर्यटनलाई लयमा फर्काउन पाँच वर्ष लाग्छ: व्यवसायी
पर्यटनलाई लयमा फर्काउन पाँच वर्ष लाग्छ: व्यवसायी

काठमाडौँ – कोभिड–१९ महामारी नियन्त्रणका लागि लागू गरिएको बन्दाबन्दी र जारी निषेधाज्ञाका कारण धराशायी अवस्थामा पुगेको मुलुकको पर्यटन व्यवसायलाई पुनः लयमा फर्काउन चार÷पाँच वर्ष लाग्ने व्यवसायीले बताएका छन् । महामारीले नराम्ररी असर पुगेको पर्यटन क्षेत्रलाई पूर्ववत् अवस्थामा फर्काउन कोरोना भाइरसको सङ्क्रमण कहिलेसम्म रहने हो भन्ने यकिन नभएकाले पर्यटक आउने वातावरण नबनेसम्म पर्यटन क्षेत्रमा सुधार नआउने उनीहरुको भनाइ छ ।

नेपाल आर्थिक पत्रकार समाज(सेजन) ले आयोजना गरेको ‘सेजन अर्थ नीति बहसअन्तर्गत पर्यटनको सम्भावना’ विषयक भिडियो कन्फ्रेन्समा नेपाल पर्यटन बोर्डका पूर्वप्रमुख कार्यकारी अधिकृत प्रचण्डमान श्रेष्ठले कोरोनाका कारण पर्यटक भित्र्याउन सहज नभएकाले सरकार, निजी क्षेत्रलगायतका निकायले गरेका कामलाई उद्गम बजारसम्म जानकारी गराउनुपर्ने बताउनुभयो ।

उहाँले कोरोनाका कारण अब पर्यटन क्षेत्रको प्रवृत्ति परिवर्तन हुने भन्दै अब ठूलो सङ्ख्यामा पर्यटक आउने दशकको अन्त्य भएको बताउनुभयो । “अब मास टुरिजमको एरा गयो”, पूर्वप्रमुख कार्यकारी अधिकृत श्रेष्ठले भन्नुभयो । पर्यटन क्षेत्रका लागि सन् २०२० सबैभन्दा बढी नकारात्मक भएको र त्यसबाट माथि उठ्नुको विकल्प नभएको उहाँको भनाइ छ ।

त्यसैगरी पर्यटन वर्ष २०११ का संयोजक योगेन्द्र शाक्यले कोरोनाका कारण पर्यटन क्षेत्रमा अहिलेसम्मकै ठूलो समस्या परेकाले यो क्षेत्रलाई पहिलेकै अवस्थामा ल्याउन चार÷पाँच वर्ष लाग्ने बताउनुभयो । “सन् २०२४÷२५ भन्दा यता पर्यटन क्षेत्रमा सुधार आउन सक्ने देखिन्न । अब, १२ लाख पर्यटक भित्र्याउन कम्तीमा पाँच वर्ष लाग्छ”, उहाँले भन्नुभयो । पर्यटन क्षेत्रलाई जीवन्त राख्न सरकार र निजी दुवै क्षेत्रको समन्वयनको आश्यकता पर्नेमा संयोजक शाक्यले जोड दिनुभयो ।

कोरोनाका कारण अर्थतन्त्रमै ठूलो समस्या भएकाले सरकारलाई पनि राजश्व उठाउन समस्या भइरहेका बेला सरकारको मुख मात्रै ताक्नुभन्दा व्यवसायीले पनि आफ्नो क्षेत्रबाट प्रयास गर्नुपर्ने उल्लेख गर्दै उहाँले त्यसका लागि कर्मचारीको तलब, बैंकको ऋण र घर भाडालगायत खर्च कटौती गर्न पाउनुपर्ने बताउनुभयो । पर्यटन क्षेत्रलाई पुर्नजीवन दिन खर्च कटौतीको विकल्प नभएको पनि उहाँले बताउनुभयो ।

MOST LIKED TREKKING ROUTE

Annapurna Base Camp Trek: Nepal Tourism

Shey-Phoksundo National Park: A Unique Trans-Himalayan ecosystem

Visit Nepal Year 2020: Why should you visit Nepal in 2019?

10 Popular Destinations in Western Part of Nepal

Is Nepal Safe To Travel In This Year?

Check Also

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ

कोरोना पिडादायी संक्रमण हो, पिडामा एकअर्कालाई सहयोग गरेरै यसलाई परास्त गर्न सकिन्छ ।। जीवन श्रेष्ठ …

Leave a Reply

Your email address will not be published. Required fields are marked *