Thursday , February 25 2021
Breaking News
Home / नेपाल / फोटो पत्रकारलाई प्रेस ज्याकेट सहयोग

फोटो पत्रकारलाई प्रेस ज्याकेट सहयोग

फोटो पत्रकारलाई प्रेस ज्याकेट सहयोग

– नेपालयटाईम्स

विपद्को समयमा अग्रपङ्क्तिमा रहेर समाचार सङ्कलनमा खट्ने फोटो पत्रकारलाई एकपछि अर्को गर्दै सहयोग प्राप्त हुनेक्रम बढेको छ । न्यू मुनलाइट सर्टिङ सुटिङका सञ्चालक जाकिर हुसेनले आज राष्ट्रिय फोटो पत्रकार समूह (एनएफपिजे) नेपाललाई कूल १०० थान प्रेस ज्याकेट हस्तान्तरण गरे ।

आज यहाँ आयोजित एक कार्यक्रममा उनले कोरोनाको जोखिमसँग लडेर आम नागरिकलाई सूचना प्रवाहमा खटिने पत्रकारलाई सहजरुपमा काम गर्ने वातावरण बनोस् भन्ने लक्ष्यका साथ प्रेस ज्याकेट उपलब्ध गराएको बताए ।

व्यवसायी हुसेनले अग्रपङ्क्तिमा खटिरहेका फोटो पत्रकारको एकरुपताका लागि आफ्नै गार्मेन्टमा सिलाएर प्रेस ज्याकेट उपलब्ध गराएको जानकारी दिँदै सङ्कटमा काम गर्नेको अवस्थालाई आफूले नजिकबाट देखेकाले सहयोग गरेको जानकारी दिए ।

उनले विपद्को समयमा जोखिमपूर्ण काम गर्ने पत्रकारलाई सानो सहयोग गर्न पाउँदा खुशी लागेको बताए । विगत २५ वर्षदेखि काठमाडौँमा रहेर सर्टिङ सुटिङको व्यवसाय गर्दै आउनुभएका हुसेनले उपलब्ध गराउनुभएको ज्याकेट एनएफपिजेका अध्यक्ष राजेन्द्र चित्रकारले ग्रहण गरे ।

ज्याकेट लिँदै अध्यक्ष चित्रकारले काठमाडौँ उपत्यकामा नियमित समाचार सङ्कलन एवं फोटो पत्रकारिता गर्ने पत्रकारलाई वितरण गरिने बताउए । विपद्मा फोटो पत्रकारलाई सहयोग गरेकामा अध्यक्ष चित्रकारले व्यवसायी हुसेनलाई धन्यवाद दिएको एनएफपिजेले जनाएको छ ।

Check Also

हेलम्बुको हिमालयन पदमार्ग निर्माणमा तीव्रता

हेलम्बुको हिमालयन पदमार्ग निर्माणमा तीव्रता

हेलम्बुको हिमालयन पदमार्ग निर्माणमा तीव्रता -रासस/नेपालयटाईम्स चौतारा – पर्यटकीय दृष्टिले उत्कृष्टमा पर्ने सिन्धुपाल्चोकको हेलम्बुमा निर्माण …

Leave a Reply

Your email address will not be published. Required fields are marked *